ໃນປະຈຸບັນບັນຫາເລື່ອງສະພາບສິ່ງແວດລ້ອມ, ການລຸດລົງຂອງຊັບພະຍາກອນ ລວມເຖິງເຖິງການປະສົບບັນຫາກ່ຽວກັບສະພາບການປ່ຽນແປງຂອງອາກາດ ເປັນເລື່ອງທີ່ຄົນສ່ວນຫຼາຍເລີ່ມໃຫ້ຄວາມສຳຄັນ ແລະ ຊ່ວຍກັນຫາທາງອອກບັນຫານີ້ກັນຢ່າງຈິງຈັງ ທັງພາກລັດຖະບານ ແລະ ພາກເອກຊົນ ທີ່ຕ້ອງຫັນມາຮັບຜິດຊອບຕໍ່ບັນຫາການປ່ຽນແປງຂອງທຳມະຊາດ ແລະ ສິ່ງແວດລ້ອມ ຫຼາຍຂຶ້ນ.
Green Technology ເປັນອີກໜຶ່ງຄວາມຫວັງໃໝ່ ທີ່ໄດ້ຮັບຄວາມສົນໃຈຈາກນັກລົງທຸນຈໍານວນຫຼາຍເນື່ອງຈາກຜູ້ຄົນເລີ່ມໃຫ້ຄວາມເນັ້ນໜັກເຖິງຜົນກະທົບຂອງການປ່ຽນແປງສະພາບພູມິອາກາດ ແລະ ການສູຍເສຍຊັບພະຍາກອນທຳມະຊາດ.
- ຄວາມເຂົ້າໃຈ Green Technology
Green Technology ຄື ເຕັກໂນໂລຊີກ່ຽວກັບການບໍລິຫານຈັດການ ແລະ ເລືອກໃຊ້ເຕັກໂນໂລຊີຈຸດປະສົງຫຼັກເພື່ອລຸດຜົນກະທົບຕໍ່ສິ່ງແວດລ້ອມ ຊຶ່ງບໍ່ວ່າຈະເຮັດກິດຈະກຳໃດໆ ຕ້ອງຄຳນຶງເຖິງແນວຄິດ “ເປັນມິດຕໍ່ສິ່ງແວດລ້ອມ” ເປັນສຳຄັນ ໂດຍພິຈາລະນາຈາກຂະບວນການຜະລິດ, ການເລືອກໃຊ້ວິທີການຈັດການໃນແຕ່ລະຂັ້ນຕອນ ແລະ ອຸປະກອນຕ່າງໆ ທີ່ຊ່ວຍເພີ່ມປະສິດທິພາບການໃຊ້ຊັບພະຍາກອນທຳມະຊາດຢ່າງຄຸ້ມຄ່າ ເຊັ່ນ: ການໃຊ້ພະລັງງານສະອາດ ແລະ ບໍ່ຜະລິດແກສເຮືອນແກ້ວ, ໃຊ້ພະລັງງານຈາກແສງອາທິດເພື່ອຜະລິດໄຟຟ້າ ຫຼື ການໃຊ້ວັດດຸຣີໄຊເຄີນ (Recycle) ຊຶ່ງມາຈາກວັດດຸເດີມ ເຮັດໃຫ້ສາມາດຊ່ວຍລຸດການໃຊ້ພະລັງງານທີ່ເປັນມົນພິດ ແລະ ລຸດປະລິມານຂີ້ເຫຍື້ອທີ່ສ້າງຂຶ້ນ.
ເຕັກໂນໂລຊີສີຂຽວ ຫລື Green Technology ຈະເຂົ້າມາເປັນປັດໃຈສຳຄັນໃນການປະຕິວັດ ອຸດສາຫະກຳໃນປະຈຸບັນ ແລະ ມີແນວໂນ້ມເພີ່ມສູງຂຶ້ນຢ່າງຕໍ່ເນື່ອງ ດ້ວຍປະສິດທິພາບໃນການຟື້ນຟູລະບົບນິເວດ, ຫຼຸດການປ່ຽນແປງສະພາບພູມິອາກາດ, ຫຼຸດລະດັບມົນພິດ ພ້ອມສົ່ງເສີມອະນາຄົດຄວາມຢັ່ງຢືນທາງສິ່ງແວດລ້ອມ.
- Green Technology ມີບົດບາດສຳຄັນແນວໃດ?
ເປົ້າໝາຍລວມຂອງ Green Technology ຄື ຫຼຸດຜ່ອນຜົນກະທົບທາງລົບທີ່ຈະເກີດຂຶ້ນກັບສິ່ງແວດລ້ອມແລະ ທຳມະຊາດ ເພາະຊັບພະຍາກອນທຳມະຊາດນັ້ນມີຢູ່ຢ່າງຈຳກັດ ເມື່ອເປັນແນວນີ້ແລ້ວ Green Technology ຈຶ່ງມີບົບາດສຳຄັນຫຼາຍ ທັງໃນແງ່ຂອງການຫຼຸດຕົ້ນທຶນການຜະລິດ, ຫຼຸດການສູຍເສຍທີ່ເກີດຈາກຂະບວນການຜະລິດ ລວມເຖິງທັງມີລະບົບຈັດການພາຍໃນ ໂດຍເລີ່ມຕັ້ງແຕ່ລະບົບຕ່າງໆ ພາຍໃນອົງກອນ ທີ່ຄຳນຶງເຖິງສິ່ງແວດລ້ອມ ແລະ ຊັບພະຍາກອນຕ່າງໆ ໃຫ້ການດຳເນີນການມີປະສິດທິພາບຫຼາຍຂຶ້ນ.
ດັ່ງນັ້ນ Green Technology ຈຶ່ງເຂົ້າມາມີບົດບາດສຳຄັນຫຼາຍຂຶ້ນ ແລະ ເກີດປະໂຫຍດຮ່ວມກັນກັບທຸກຝ່າຍ ໂດຍສະເພາະໃນຫຼາຍໆ ປະເທດມີກົດໝາຍ, ຂໍ້ບັງຄັບທີ່ເຂ້ມງວດຫຼາຍຂຶ້ນ ທັງກັບປະຊາຊົນ, ອົງກອນເອກຊົນ ແລະ ພາກລັດ ຊຶ່ງຈະຊ່ວຍຊຸດຍູ້ດັນໃຫ້ທຸກຝ່າຍຫັນມາໃຊ້ເຕັກໂນໂລຊີທີ່ເປັນມິດກັບສິ່ງແວດລ້ອມ ນຳໄປສູ່ອຸດສາຫະກຳສີຂຽວໄດ້ຢ່າງຢັ່ງຢືນ.
- Green Technology ມີຫຍັງແດ່? ທີ່ໜ້າສົນໃຈໃນປະຈຸບັນ.
ເພາະໃນໂລກປະຈຸບັນທີ່ກຳລັງປະສົບບັນຫາຄວາມເຊື່ອມໂຊມຂອງຊັບພະຍາກອນທຳມະຊາດ ແລະ ຜົນກະທົບຂອງບັນຫາສິ່ງແວດລ້ອມໃນຫຼາຍມິຕິ ທີ່ມີແນວໂນ້ມທະວີຄວາມຮຸນແຮງຂຶ້ນເລື້ອຍໆ ເຮັດໃຫ້ຜູ້ຄົນໄດ້ເນັ້ນໝັກ ເຖິງຄວາມສຳຄັນຂອງ Green Technology ທີ່ນັບວ່າເປັນທາງເລືອກໃໝ່ທີ່ຈະຊ່ວຍບັນເທົາບັນຫາທາງທຳມະຊາດນີ້ໃຫ້ເປັນ “ຜົນກະທົບພາຍນອກທາງບວກ”.
ການສ້າງສັນເຕັກໂນໂລຊີສີຂຽວ Green Technology ທີ່ໂດດເດັ່ນ ໃນການຈັດການໃຊ້ຊັບພະຍາກອນຢ່າງຢັ່ງຢືນ ໄດ້ແນວຄິດຈາກການນຳອົງປະກອບຄວາມຮູ້ໃນດ້ານຕ່າງໆ ມາປະຢຸກໃຊ້ກັບເຕັກໂນໂລຊີ ຊຶ່ງມີຫຼາຍເຕັກໂນໂລຊີທີ່ໜ້າສົນໃຈໃນປະຈຸບັນ ເປັນຕົ້ນແມ່ນ:
- ການປະມວນຜົນແບບຄລາວ (Cloud Computing)
ມີແນວໂນ້ມທີ່ຈະກ້າວໄປສູ່ Green Technology ດ້ວຍ ເຫດຜົນທີ່ເຮັດໃຫ້ Cloud Computing ເປັນເຕັກໂນໂລຊີທີ່ເຂົ້າກັນໄດ້ດີກັບແນວຄິດຂອງຄວາມຢັ່ງຢືນ ການເຮັດວຽກງານເທິງຄລາວເຮັດໃຫ້ສາມາດໃຊ້ຊັບພະຍາກອນຄອມພິວເຕີແບບຮ່ວມກັນ ເຮັດໃຫ້ມີການໃຊ້ພະລັງງານ ແລະ ຊັບພະຍາກອນໄດ້ຢ່າງມີປະສິດທິພາບຫຼາຍ ຕົວຢ່າງການຈັດເກັບຂໍ້ມູນເທິງຄລາວດ໌ (Cloud Storage) ເຊັ່ນ: Dropbox, OneDrive, Google Drive ແລະ iCloud ກໍຊ່ວຍໃຫ້ຊັບພະຍາກອນບໍ່ຕ້ອງເຮັດວຽກເປັນລະບົບຕະຫຼອດເວລາ, ລຸດການໃຊ້ພະລັງງານທີ່ບໍ່ຈຳເປັນ ຫຼື ໃນຮູບແບບການຕິດຕໍ່ສື່ສານ ເຊັ່ນ: Microsoft Teams, Zoom ແລະ Google Meet ທີ່ຊ່ວຍປະຢັດເວລາ ແລະ ຄ່າໃຊ້ຈ່າຍ ທີ່ສຳຄັນຄື ເມື່ອບໍ່ຕ້ອງເດິນທາງ ກໍມີສ່ວນຊ່ວຍຫຼຸດການປ່ອຍແກ໊ສຄາຣບອນມອນນອກໄຊດ (CO) ແລະ ຄາຣບອນໄດອອກໄຊດ ( CO2) ໄດ້ເປັນຢ່າງດີ.
ການໃຊ້ງານ Artificial Intelligence (AI) ໃນການຈັດການພະລັງງານ
ອີກໜຶ່ງຢ່າງທີ່ເອີ້ນໄດ້ວ່າເປັນ Green Technology ຄື ການໃຊ້ປັນຍາປະດິດ (Artificial Intelligence – AI) ເພື່ອວິເຄາະ, ຈັດການ ແລະ ປະມວນຜົນຂໍ້ມູນທາງພະລັງງານໃນອາຄານ ຫຼື ທຸລະກິດ ເຮັດໃຫ້ການໃຊ້ພະລັງງານເປັນໄປຢ່າງມີປະສິດທິພາບ ແລະ ເກີດປະໂຫຍດສູງສຸດ ເຊັ່ນ: ການທຳນາຍການໃຊ້ພະລັງງານໃນອະນາຄົດ, ການວິເຄາະແນວໂນ້ມການໃຊ້ພະລັງງານ ແລະ ການກວດສອບບັນຫາທີ່ເປັນໄປໄດ້ ລວມເຖິງການໃຊ້ງານ AI ໃນການຈັດການພະລັງງານເສີມສັກກະລະພາບໃນການຫຼຸດການໃຊ້ພະລັງງານທີ່ບໍ່ຈຳເປັນ, ການເພີ່ມປະສິດທິພາບໃນການຜະລິດພະລັງງານ ແລະ ການເຮັດໃຫ້ລະບົບພະລັງງານເປັນໄປຢ່າງຢັ່ງຢືນນັ້ນເອງ.
ນອກຈາກຈະນຳເຕັກໂນໂລຊີເຫຼົ່ານີ້ເຂົ້າມາໃຊ້ໃນອົງກອນ ຫຼື ອຸດສາຫະກຳ ອີກເລື່ອງທີ່ໜ້າສົນໃຈຄືຊອບແວຣ໌ທີ່ໃຊ້ໃນການຄວບຄຸມງານເອກະສານ ແລະ ຂໍ້ມູນພາຍໃນອົງກອນ ເຊັ່ນວ່າ: “ລະບົບຈັດການເອກະສານແລະຂໍ້ມູນ” ຫຼື Enterprise Content Management (ECM) ແລະ Document Management System (DMS) ຊຶ່ງມັກຈະລວມເຖິງຢູ່ໃນແພລດຟອມ ECM/DMS ລວມເຖິງເຖິງລະບົບ Workflow ສຳລັບການເຮັດວຽກງານຕ່າງໆ ທີ່ກ່ຽວຂ້ອງກັບເອກະສານ ແລະ ຂໍ້ມູນ ສາມາດໃຊ້ງານໃນຮູບແບບ Web-based ຜ່ານ Browser ຫຼື ຜ່ານໂທລະສັບມືຖືໄດ້ ໂດຍມີຈຸດມຸ້ງໝາຍເພື່ອປັບປ່ຽນການເຮັດວຽກງານແບບເດີມໆ ໃຫ້ເຂົ້າສູ່ຮູບແບບດິຈິຕອນອອນໄລນ໌ ການປ່ຽນເອກະສານແບບເຈ້ຍໃຫ້ເປັນເອກະສານເອເລັກໂຕຣນິກ (E-document) ໃນຮູບແບບຂອງໄຟລ໌ ເຊັ່ນ: jpg pdf ທີ່ຈະຊ່ວຍລຸດຂັ້ນຕອນການເຮັດວຽກງານ ແລະລຸດຕົ້ນທຸນດ້ານອຸປະກອນ ແລະ ຊັບພະຍາກອນຕ່າງໆ ໄດ້ຢ່າງຄຸ້ມຄ່າຫຼາຍທີ່ສຸດ.
- ສະຫລຸບ Green Technology ເຕັກໂນໂລຊີສະອາດ
ເພື່ອຖືຮັກສາຄວາມຢັ່ງຢືນ, ຄວາມສົມບູນຂອງທຳມະຊາດໃຫ້ໄດ້ໃຫ້ຫຼາຍເທົ່າທີ່ຈະເປັນໄປໄດ້ ຫຼຸດຜົນກະທົບທາງລົບ ແລະ ສ້າງຜົນກະທົບທາງບວກຕໍ່ສິ່ງແວດລ້ອມ ແລະ ລະບົບນິເວດຕ່າງໆ ຊຸກຍູ້ສົ່ງເສີມໃຫ້ຜູ້ຄົນຫັນມາໃສ່ໃຈ ແລະ ເນັ້ນໜັກເຖິງບັນຫາຄວາມເຊື່ອມໂຊມຂອງຊັບພະຍາກອນທຳມະຊາດຢ່າງຈິງຈັງກັນຫຼາຍຂຶ້ນ ບໍ່ວ່າຈະເປັນປະຊາຊົນ, ພາກເອກະຊົນ ຫຼື ພາກລັດໃນທົ່ວໂລກ.
Green Technology ຈະເປັຍກຸນແຈສຳຄັນທີ່ຈະເຂົ້າມາເປັນຕົວຊ່ວຍທີ່ຕອບໂຈດ ແລະ ເປັນອີກໜຶ່ງທາງເລືອກໃນການແກ້ບັນຫາຕ່າງໆ ບໍ່ວ່າຈະເປັນ ເຕັກໂນໂລຊີ-ນະວັດກຳ ເຄື່ອງມືຊອບແວຣ, ລະບົບການຈັດການ ແລະ ອື່ນໆ ອີກຫຼວງຫຼາຍ ທີ່ຈະເຂົ້າມາປະຕິວັດໃຫ້ເກີດການປ່ຽນແປງໃນທິດທາງທີ່ເປັນມິດຕໍ່ສິ່ງແວດລ້ອມຫຼາຍຂຶ້ນ.
ຮຽບຮຽງໂດຍ:ອານົງສັກ ສັນຕິສຸກ
ທີ່ມາຂໍ້ມູນ:
