Startup ແມ່ນທຸລະກິດທີ່ເກີດຂຶ້ນຈາກກິດຈະການທີ່ເລີ່ມຕົ້ນທຸລະກິດຈາກຈຸດນ້ອຍໆ ສາມາດເຕີບໃຫຍ່ໄດ້ຢ່າງວ່ອງໄວແບບກ້າວກະໂດດ ອອກແບບໃຫ້ທຸລະກິດມີການເຮັດຊ້ຳໄດ້ໂດຍງ່າຍ (Repeatable) ແລະ ຂະຫຍາຍກິດຈະການໄດ້ງ່າຍ (Scalable) ມີການນຳໃຊ້ເຕັກໂນໂລຊີ ແລະ/ຫຼື ນະວັດຕະກຳມາໃຊ້ເປັນຫົວໃຈຫຼັກໃນການສ້າງທຸລະກິດ ເປັນທຸລະກິດທີ່ເກິດຂື້ນຈາກແນວຄວາມຄິດ (Idea) ເພື່ອແກ້ບັນຫາໃນຊີວິດປະຈຳວັນ ຫຼື ເຫັນໂອກາດທາງທຸລະກິດທີ່ຍັງບໍ່ມີໃຜເຄີຍຄິດ ຫຼື ເຮັດມາກ່ອນ ສ່ວນຫຼາຍແລ້ວຈະເປັນທຸລະກິດໄອທີ (IT) ຫຼື ໃນວົງການໄອທີ (IT) ນັ້ນເອງ ເຊັ່ນ: ພວກແອັບພິເຄເຊິນຕ່າງໆ ຖ້າຫາກມະໂນພາບທຸລະກິດນີ້ໃຫ້ຊັດເຈນຂຶ້ນ ໃຫ້ສຶກສາເບິ່ງການດຳເນີນທຸລະກິດຂອງ Google, Facebook ເຊິ່ງທຸລະກິດເຫຼົ່ານີ້ແມ່ນເລີ່ມຕົ້ນຈາກເປັນທຸລະກິດປະເພດ Startup ທີ່ເກີດຂຶ້ນຢູ່ຕ່າງປະເທດ. ສຳລັບ Startup ໃນລາວກໍຈະມີ GOTEDDY, Loca Laos, Food Panda Laos, Loguide, Bookmate ເປັນຕົ້ນ
ຮຽບຮຽງໂດຍ: ອານົງສັກ ສັນຕິສຸກ
