ຂອງວັນທີ 30 ເມສາ 2024 ນີ້ ພະແນກເຕັກໂນໂລຊີ ແລະ ການສື່ສານ ໄດ້ຈັດກອງປະຊຸມສະຫຼຸບວຽກງານກວດກາປະຈໍາປີ 2023 ແລະ ທິດທາງແຜນການປະຈໍາປີ2024 ຕິດພັນກັບການສະຫຼຸບແຜນພັດທະນາວຽກງານເຕັກໂນໂລຊີ ແລະ ການສື່ສານປະຈໍາປີ ແລະ ທິດທາງແຜນການ 09 ເດືອນຂອງປີ 2024 ພາຍໃຕ້ການເປັນປະທານ ຂອງ ທ່ານ ສົມບຸນ ມະນີ ເລຂາຄະນະພັກຮາກຖານ,ຫົວໜ້າພະແນກ ເຕັກໂນໂລຊີ ແລະ ການສື່ສານ ມີບັນດາລັດວິສາຫະກິດດ້ານໂທລະຄົມມະນາຄົມ,ບໍລິສັດດ້ານໄປສະນີ,ມີພະນັກງານເມືອງ,ພະນັກງານລັດຖະກອນພາຍໃນພະແນກເຂົ້າຮ່ວມຢ່າງພ້ອມພຽງ.
ໃນກອງປະຊຸມຜູ້ເຂົ້າຮ່ວມໄດ້ຮັບຟັງ ການເຜີຍແຜ່ເນື້ອໃນເອກະສານບົດສະຫຼຸບການເຄື່ອນໄຫວວຽກງານກວດກາ ປະຈໍາປີ 2023 ແລະ ທິດທາງແຜນການປີ 2024;ຜ່ານຮ່າງການຈັດຕັ້ງປະຕິບັດແຜນພັດທະນາວຽກງານເຕັກໂນໂລຊີ ແລະ ການສື່ສານ ປະຈໍາ 3 ເດືອນຕົ້ນປີ ແລະ ທິດທາງແຜນການ 9 ເດືອນຂອງປີ 2024;ເຜີຍແຜ່ເອກະສານຄໍາແນະນໍາເລກທີ 331/ອກຫລ,ກ່ຽວກັບການກະກຽມຈັດຕັ້ງປະຕິບັດກົດໜາຍວ່າດ້ວຍກວດກາລັດ(ສະບັບປັບປຸງ);ຄໍາແນະນໍາເລກທີ 379/ຄກສພ ກ່ຽວກັບການປັບປຸງກົງຈັກກວດກາພັກ ແລະ ອົງການກວດກາລັດແຕ່ລະຂັ້ນ;ເຜີຍແຜ່ຂໍ້ຕົກລົງ ເລກທີ 392/ອກຫລ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງອົງການກວດກາລັດແຂວງ,ນະຄອນຫຼວງ;ເຜີຍແຜ່ຂໍ້ກໍານົດ ເລກທີ 1278/ຄບພຂ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄະນະກວດກາພັກແຂວງ;ເຊີ່ງກອງປະຊຸມໄດ້ດຳເນີນເປັນເວລາ 1 ວັນເຕັມ ແລະ ປິດລົງຢ່າງເປັນທາງການດ້ວຍຜົນສໍາເລັດ.
