ກອງປະຊຸມ ດຳເນີນຊິວິດການເມືອງ ຂອງຄະນະພັກຮາກຖານ ພະເເນກ ເຕັກໂນໂລຊີ ແລະ ການສື່ສານ ເເຂວງອຸດົມໄຊ ປະຈຳປີ 2023 ໄດ້ຈັດຂື້ນວັນທີ 8 ກຸມພາ ປີ2024 ຢູ່ທີ່ຫ້ອງປະຊຸມຂອງພະແນກ ໂດຍການເຂົ້າຮ່ວມຂອງສະຫາຍ ສຸຫວັດ ມະຫາວົງສະນັນ ກຳມະການປະຈຳພັກແຂວງ ຫົວໜ້າການຈັດຕັ້ງແຂວງ ແລະ ສະຫາຍ ສົມບູນ ມະນີ ເລຂາຄະນະພັກຮາກຖານ ຫົວໜ້າພະແນກ ເຕັກໂນໂລຊີ ແລະ ການສື່ສານ ແຂວງ, ມີຄະນະພັກຮາກຖານ ແລະ ສະມາຊິກພັກພາຍໃນ ຄະນະພັກຮາກຖານເຂົ້າຮ່ວມ. ການດຳເນີນກອງປະຊຸມຄັ້ງນີ້ ເພື່ອສະຫຼູບຕີລາຄາ ແລະ ປະເມີນຜົນການເຄື່ອນໄຫວ.
ການດຳເນີນກອງປະຊຸມຄັ້ງນີ້ ເພື່ອສະຫຼຸບຕີລາຄາ ແລະ ປະເມີນຜົນການເຄື່ອນໄຫວນຳພາຊີ້ນຳ ຂອງຄະນະພັກຮາກຖານຕະຫຼອດໄລຍະ 1 ປີຜ່ານມາໂດຍຍົກໃຫ້ເຫັນເຖິງດ້ານດີຜົນງານທີ່ຕັ້ງໜ້າ ແລະ ດ້ານອ່ອນຂໍ້ຂ້ອງຄ້າງທີ່ຈະໄດ້ສຶບຕໍ່ປັບປຸ່ງປ່ຽນແປງໃນຕໍ່ໜ້າ ແນ່ໃສ່ເຮັດໃຫ້ຄະນະພັກຮາກຖານການເປັນໝ່ວຍພັກປ່ອງໃສ່ເຂັ້ມແຂງໝັກແໜ້ນ. ທາງຄະນະຮັບຜິບຊອບກອງປະຊຸມດຳເນີນຊີວິດການເມືອງຂັ້ນແຂວງ ກໍໄດ້ຜ່ານຮ່າງເງື່ອນໄຂມາດຖານຂອງພະນັກງານນໍາພາຄຸ້ມຄອງ ແລະ ສິດໜ້າທີ່ຂອງຄະນະພັກຮາກຖານເພື່ອເປັນບ່ອນອີງໃຫ້ແກ່ສະມາຊິກພັກໃນການປະກອບຄວາມຄິດ, ຄວາມເຫັນກ່ຽວກັບການປັບປຸງກໍ່ສ້າງຄະນະພັກຮາກຖານໃຫ້ຖືກຕ້ອງຕາມເປົ້າໝາຍ ແລະ ສະພາບຄວາມເປັນຈິງ ພ້ອມທັງມີການປ່ອນບັດທາບທາມຄວາມໄວ້ວາງໃຈຂອງຄະນະພັກຮາກຖານ.
ນອກນັ້ນ ກໍໄດ້ມີການຜ່ານຮ່າງບົດສຳຫຼວດການນຳພາລວມຂອງຄະນະພັກຮາກຖານ ແລະ ບົດສຳຫຼວດບຸກຄົນຄະນະພັກ ພ້ອມທັງປະກອບຄວາມຄິດ, ຄວາມເຫັນ ແນ່ໃສ່ການຕຳນິສ່ອງແສງ ແລະ ປັບປຸງກໍ່ສ້າງເຊິງກັນ ແລະ ກັນ ໂອກາດດັ່ງກ່າວ ສະຫາຍ ສຸຫວັດ ມະຫາວົງສະນັນ ກຳມະການປະຈຳພັກແຂວງ ຫົວໜ້າ ຄະນະຈັດຕັ້ງແຂວງ ໄດ້ມີຄຳເຫັນໂອລົມ ແລະ ໃຫ້ທິດຊີ້ນຳບາງດ້ານ ຕໍ່ກັບຄະນະພັກຮາກຖານ ແລະ ສະມາຊິກພັກເພື່ອເປັນແນວທາງໃນການສຶບຕໍ່ເຄື່ອນໄຫວຈັດຕັ້ງປະຕິບັດວຽກງານຂອງຕົນ ໂດຍສະເພາະ ແມ່ນການປະຕິບັດແນວທາງ, ນະໂຍບາຍກ່ຽວກັບກົດໝາຍຂອງລັດໃຫ້ເຂັ້ມງວດຂື້ນອີກ.
