ໃນຕອນບ່າຍວັນທີ 26 ທັນວາ 2024 ສະຫະພັນແມ່ຍິງໜ່ວຍພະແນກເຕັກໂນໂລຊີ ແລະ ການສື່ສານ ໄດ້ຈັດ ກອງປະຊຸມສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ ປະຈໍາປີ 2024 ຂຶ້ນຢູ່ທີ່ຫ້ອງປະຊຸມຂອງພະແນກ ໂດຍການ ເປັນປະທານ ຂອງທ່ານ ນາງ ສົມຈິດ ທໍາມະລັດ ຫົວໜ້າສະຫະພັນແມ່ຍິງໜ່ວຍ, ໃຫ້ກຽດເຂົ້າຮ່ວມກອງປະຊຸມໃນຄັ້ງນີ້ ມີທ່ານ ນາງ ປິ່ນຄໍາ ອຸ່ນລະຄອນ ເລຂາຄະນະພັກຮາກຖານ, ຄະນະບໍລິຫານງານສະຫະພັນແມ່ຍິງແຂວງ, ມີບັນດາທ່ານແຂກເຊີນຈາກໜ່ວຍອ້ອມຂ້າງ, ຕາງໜ້າອົງການຈັດຕັ້ງມະຫາຊົນ ພ້ອມດ້ວຍສະມາຊິກສະຫະພັນແມ່ຍິງພາຍໃນໜ່ວຍເຂົ້າຮ່ວມ.
ໃນກອງປະຊຸມ ທ່ານ ນາງ ສົມຈິດ ທໍາມະລັດ ຫົວໜ້າສະຫະພັນແມ່ຍິງໜ່ວຍ ໄດ້ຜ່ານບົດສະຫຼຸບລາຍງານການ ຈັດຕັ້ງປະຕິບັດຂໍ້ແຂ່ງຂັນ 3 ດີ ໃນໄລຍະ 1 ປີຜ່ານມາ ແລະ ວາງທິດທາງແຜນການໃນຕໍ່ໜ້າ ເຊິ່ງ ທ່ານໄດ້ຍົກໃຫ້ເຫັນ ບາງຜົນງານທີ່ພົ້ນເດັ່ນ ຂອງເອື້ອຍນ້ອງແມ່ຍິງພາຍໃນໜ່ວຍ ຍາດມາໄດ້ເປັນຕົ້ນແມ່ນ ໄດ້ນໍາພາສະມາຊິກສະຫະພັນແມ່ຍິງເຄື່ອນໄຫວ ແລະ ຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ ຕິດພັນກັບການຈັດຕັ້ງປະຕິບັດ ວຽກງານວິຊາສະເພາະ ເປັນໃຈກາງໃນການຕັດສິນຜົນສໍາເລັດຂອງວຽກງານ ໄປພ້ອມກັບການສ້າງຂະບວນການ ແຂ່ງຂັນຮັກຊາດ ແລະ ພັດທະນາ, ຂະບວນການຂອງອົງການຈັດຕັ້ງມະຫາຊົນອື່ນ ຄ່ຽງຄູ່ກັນນັ້ນສະມາຊິກພາຍ ໃນໜ່ວຍຍັງເປັນເສນາທິການໃຫ້ແກ່ຄະນະພັກ, ຄະນະພະແນກ ດ້ວຍການເພີ່ມທະວີຈັດຕັ້ງປະຕິບັດ ພາລະບົດບາດ ສິດ ແລະ ໜ້າທີ່ຂອງຕົນທີ່ໄດ້ຮັບມອບໝາຍ ດ້ວຍຄວາມຮັບຜິດຊອບສູງ ເປັນສ່ວນໜຶ່ງໃນການເອົາໃຈໃສ່ດ້ານການ ນໍາໃຊ້ເຕັກໂນໂລຊີ ແລະ ການສື່ສານ ໃຫ້ວ່ອງໄວ ທັນສະໄໝ ເພື່ອຮອງຮັບການເປັນດີຈີຕ໋ອນ, ການສົ່ງເສີ່ມການນໍາ ໃຊ້ລະບົບບໍລິຫານລັດໃຫ້ທັນສະໄໝ, ຍົກສູງວຽກງານການຄຸ້ມຄອງຂໍ້ມູນຂ່າວສານຜ່ານອິນເຕີເນັດ ແລະ ອື່ນໆນອກ ຈາກນີ້ ເພື່ອໃຫ້ສອດຄ່ອງກັບສະພາບຄວາມເປັນຈິ່ງພາຍໃນສະຫະພັນແມ່ຍິງໜ່ວຍ ຕໍ່ກັບການຈັດຕັ້ງປະຕິບັດຂໍ້ແຂ່ງ ຂັນ 3 ດີ ພົນລະເມືອງດີ, ພັດທະນາດີ, ສ້າງຄອບຄົວດີ ຂອງສະຫະພັນແມ່ຍິງພາຍໃນໜ່ວຍ ແມ່ນສາມາດປະເມີນໄດ້ ຕາມຄາດໝາຍທີ່ວາງໄວ້ ແລະ ຄະນະພັກ, ຄະນະພະແນກ ຍາມໃດກໍ່ເອົາໃຈໃສ່ໃນການນໍາພາ ຊີ້ນໍາ ເຮັດໃຫ້ເອື້ອຍ ນ້ອງແມ່ຍິງ ມີຄວາມສາມາດ ນໍາໃຊ້ເຕັກໂນໂລຊີ ທີ່ທັນສະໄໝເຂົ້າໃນວຽກງານວິຊາສະເພາະໃຫ້ມີປະສິດທິພາບສູງຂຶ້ນ ພ້ອມດຽວກັນນັ້ນຍັງສົ່ງເສີມໃນການຜະລິດ, ສ້າງເສດຖະກິດຄອບຄົວເພີ່ມ ເພື່ອເປັນລາຍຮັບເສີມໃຫ້ແກ່ຄອບຄົວ ໃຫ້ກາຍເປັນຄອບຄົວທີ່ພົ້ນເດັ່ນພາຍໃນໜ່ວຍ; ຕໍ່ກັບຜົນງານນີ້ແລ້ວ ເຮັດໃຫ້ສະຫະພັນແມ່ຍິງໜ່ວຍ ພະແນກເຕັກໂນໂລຊີ ແລະ ການສື່ສານ ຖືກຮັບຮອງເປັນສະຫະພັນແມ່ຍິງໜ່ວຍ 3 ດີ ປະຈໍາປີ 2024 ຈາກຄະນະປະທານສະຫະພັນແມ່ຍິງແຂວງ, ພ້ອມທັງມອບໃບຍ້ອງຍໍໃຫ້ຜູ້ທີມີຜົນງານດີເດັ່ນໃນການເຄື່ອນໄຫວຈັດຕັ້ງປະຕິບັດວຽກງານຂໍ້ແຂ່ງຂັນ 3 ດີ ໄລຍະທີ II (2023-2024).
ຕອນທ້າຍຂອງພິທີ ທ່ານ ນາງ ປິ່ນຄໍາ ອຸ່ນລະຄອນ ເລຂາຄະນະພັກຮາກຖານ, ຄະນະບໍລິຫານງານສະຫະພັນແມ່ຍິງແຂວງ, ຍັງໃຫ້ກຽດໂອ້ລົມ ແລະ ມີທິດຊີ້ນໍາຕໍ່ສະຫະພັນແມ່ຍິງພາຍໃນໜ່ວຍຕື່ມອີກ.
