ໃນຕອນແລງຂອງວັນທີ 16 ທັນວາ ປີ 2024 ນີ້, ພະແນກ ເຕັກໂນໂລຊີ ແລະ ການການສື່ສານ ໄດ້ຈັດພິທີ ປາຖະກະຖາ ມູນເຊື້ອວັນຊາດທີ 2 ທັນວາ ຄົບຮອບ 49 ປີ ( 2 ທັນວາ 1975 – 2 ທັນວາ 2024) ແລະ ວັນຄ້າຍວັນເກິດຂອງປະທານ ໄກສອນ ພົມວິຫານ ຄົບຮອບ 104 ປີ ( 13 ທັນວາ 1920 – 13 ທັນວາ 2024) ຂຶ້ນທີ່ພະແນກ ເຕັກໂນໂລຊີ ແລະ ການການສື່ສານ ໂດຍການປາຖະກະຖາ ຂອງທ່ານ ນາງ ປິນຄໍາ ອຸ່ນລະຄອນ ເລຂາຄະນະພັກຮາກຖານ,ຫົວໜ້າພະແນກເຕັກໂນໂລຊີ ແລະ ການການສື່ສານມີຜູ້ເຂົ້າຮ່ວມສະມາຊິກພັກຈາກ 3 ບໍລິສັດເຂົ້າຮ່ວມ,ພະນັກງານລັດຖະກອນພະແນກເຕັກໂນໂລຊີ ແລະການສື່ສານ ເຂົ້າຮ່ວມຢ່າງພ້ອມພຽງ.
ໂອກາດດັ່ງກ່າວທ່ານ ນາງ ປິນຄໍາ ອຸ່ນລະຄອນ ເລຂາຄະນະພັກຮາກຖານ,ຫົວໜ້າພະແນກເຕັກໂນໂລຊີ ແລະ ການການສື່ສານ ໄດ້ຍົກໃຫ້ເຫັນເຖິງຄວາມໝາຍຄວາມສໍາຄັນ, ທາງດ້ານປະຫວັດສາດຂອງຊາດລາວ, ມູນເຊື້ອແຫ່ງການຕໍ່ສູ້ກູ້ຊາດ,ຕ້ານການຮຸກຮານຂອງສັດຕູຈາກພາຍນອກຢ່າງອົງອາດກ້າຫານ, ໂດຍສືບທອດມູນເຊື້ອອັນສະຫງ່າງາມຂອງບັນພະບຸລຸດແຕ່ລະຍຸກແຕ່ລະສະໄໝ, ພາຍໃຕ້ການນໍາພາຂອງພັກ ປະຊາຊົນປະຕິວັດລາວ,ທີ່ມີຄວາມປີຊາສາມາດສະຫຼາດສ່ອງໃສ, ມີມູນເຊື້ອຄວາມສາມັກຄີກັນຕໍ່ສູ້ຢ່າງພິລະອາດຫານຕ້ານການຮຸກຮານ ແລະ ການຄອບຄອງຂອງພວກຈັກກະພັດລ່າເມືອງຂຶ້ນທັງແບບເກົ່າ ແລະ ແບບໃໝ່, ຈົນສາມາດຍາດໄດ້ໄຊຊະນະ ແລະ ປົດປ່ອຍປະເທດຊາດໄດ້ຢ່າງມີໄຊ ແລະ ສະຖາປະນາສາທາລະນະລັດປະຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975,ແມ່ນວັນສຸດທີ່ມີຄວາມໝາຍຄວາມສໍາຄັນຂອງທົ່ວພັກ, ທົ່ວລັດ ແລະທົ່ວປວງຊົນລາວທັງຊາດ, ແມ່ນວັນແຫ່ງໄຊຊະນະອັນຍິ່ງໃຫຍ່ ໃນປະຫວັດສາດແຫ່ງການຕໍ່ສູ້ເປັນພັນໆປີ ຂອງຊາດລາວເຮົາ, ປະຊາຊົນລາວບັນດາເຜົ່າໄດ້ມີອິດສະຫຼະພາບ ແລະ ໄດ້ເປັນເຈົ້າຂອງປະເທດຊາດຢ່າງແທ້ຈິງ, ປະເທດລາວໄດ້ມີເອກະລາດຢ່າງສົມບູນ ແລະ ມີອະທິປະໄຕຢ່າງຄົບຖ້ວນ, ມີຖານະເທົ່າທຽມກັບປະເທດອື່ນໆໃນເວທີປະຊາຄົມໂລກ, ພ້ອມນີ້ກໍ່່ໄດ້ສ້າງສາພັດທະນາປະເທດຊາດໃຫ້ນັບມື້ຈະເລີນຮຸ່ງເຮືອງຂຶ້ນເປັນກ່າວໆແລະ ໄດ້ຍົກໃຫ້ເຫັນເຖິງ ຜົນງານ, ຄຸນງາມຄວາມດີ ປະຫວັດຄວາມເປັນມາອັນພິລະອາດຫານ ແລະ ປີຊາສາມາດ ຂອງປະທານ ໄກສອນ ພົມວິຫານ, ເຊິ່ງເພີ່ນແມ່ນນັກຮັກຊາດຜູ້ຍິ່ງໃຫຍ່, ແມ່ນລູກຜູ້ປະເສີດຂອງປະຊາຊົນລາວບັນດາເຜົ່າ, ແມ່ນນັກຮົບປະຕິວັດຜູ້ດີເລີດ, ເພີ່ນເປັນຜູ້ນໍາສູງສຸດຂອງການປະຕິວັດລາວ ທີ່ມີຄວາມປີຊາສາມາດ, ມີຄວາມສະຫຼາດຫຼັກແຫຼມ, ມີໄຫວພິບອັນແຫຼມຄົມ ແລະ ມີນໍ້າໃຈຕໍ່ສູ້ອັນເດັດດ່ຽວໜຽວແໜ້ນ, ເປັນຜູ້ນໍາທີ່ແສນເຄົາລົບຮັກຂອງພັກ-ລັດ ແລະ ປວງຊົນທັງຊາດ, ເປັນວິລະບູລຸດຂອງຊາດລາວເຮົາ. ຈາກນັ້ນ, ທ່ານ ພວງແກ້ວ ບຸບຜາພອນ ຫົວໜ້າຫ້ອງການບໍລິຫານ,ຈັດຕັ້ງ ແລະ ກວດກາ ຂື້ນຜ່ານມະຕິຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບຊີ້ນໍາລະດັບແຂວງ,ອະນຸກໍາມະການຕ່າງໆເພື່ສະເຫຼີມ 3 ວັນປະຫັວດສາດ,ຂອງພັກ ປີ 2025 ຈໍານວນໜື່ງຕືມອີກ.
ທັງນີ້ກໍ່ເພື່ອແນ່ໃສ່ເຮັດໃຫ້ພະນັກງານ-ລັດຖະກອນເຕັກໂນໂລຊີ ແລະ ການການສື່ສານ ໄດ້ເຊື່ອມຊືມເຂົ້າໃຈຕໍ່ 2 ວັນປະຫວັດສາດດັ່ງກ່າວນີ້ແລະ ຈາລຶກເຖິງຄຸນງາມຄວາມດີຂອງ ພະນັກງານນັກຮົບ ແລະ ປະຊາຊົນລາວບັນດາເຜົ່າທີ່ ອຸທິດເລືອດເນື້ອເຫື່ອແຮງ, ສະຕິປັນຍາຂອງຕົນເພື່ອປະເທດຊາດໃນເມື່ອກອ່ນໂດຍສະເພາະແມ່ນ: ຄຸນງາມຄວາມດີ ຂອງປະທານ ໄກສອນ ພົມວິຫານໃຫ້ຢູ່ໃນດວງໃຈຂອງຄົນລຸ້ນຫຼັງຕະຫຼອດໄປ.
