ວັນທີ 29 ພະຈິກ 2024 ໜ່ວຍພັກພະແນກ ເຕັກໂນໂລຊີ ແລະ ການສື່ສານ ແຂວງອຸດົມໄຊ ໄດ້ຈັດກອງປະຊຸມດຳເນີນຊິວິດເມືອງທ້າຍສະໄໝ ແລະ ທາບທາມບຸກຄະນະລາກອນ ຮອບ 2 ຂອງໜ່ວຍພັກຕົນ ກ່ອນການດຳເນີນກອງປະຊຸມໃຫຍ່ ສະໄໝທີ່ III ທີ່ຫ້ອງປະຊຸມຂອງຕົນ ໂດຍເປັນປະທານຂອງ ທ່ານ ວາລີ ຈື່ນໍ່ເຢັງ ກຳມະການພັກແຂວງ ຮອງຫົວໜ້າຄະນະໂຄສະນາອົບຮົມແຂວງ, ມີທ່ານ ນ.ປິ່ນຄຳ ອຸ່ນລະຄອນ ເລຂາຄະນະພັກຮາກຖານ ຫົວໜ້າພະແນກເຕັກໂນໂລຊີ ແລະ ການສື່ສານ, ມີຄະນະໜ່ວຍພັກ, ຄະນະຮັບຜິດຊອບຂັ້ນແຂວງ ແລະ ສະມາຊິກພັກສົມບູນພາຍໃນໜ່ວຍເຂົ້າຮ່ວມຢ່າງພ້ອມພຽງ.
ກອງປະຊຸມ ໄດ້ຜ່ານ ຮ່າງບົດສຳຫຼວດນຳພາລວມຂອງໜ່ວຍພັກໄລຍະ 1 ສະໄໝຜ່ານມາ ໂດຍໄດ້ຍົກໃຫ້ເຫັນດ້ານດີ, ຜົນງານ, ດ້ານອ່ອນ - ຂໍ້ຄົງຄ້າງ, ບົດຮຽນທີ່ໄດ້ຖອດຖອນໄດ້ ແລະ ມາດຕະການ, ວິທີແກ້ໄຂດ້ານອ່ອນຄົງຄ້າງໃນຕໍ່ໜ້າ, ພ້ອມດຽວກັນນັ້ນ ກໍໄດ້ມີການປະຄອບຄຳຄິດຄຳເຫັນໃສ່ຮ່າງບົດສຳຫຼວດການນຳພາລວມຂອງໜ່ວຍພັກໃນ 1 ສະໄໝຜ່ານມາ, ຈາກນັ້ນ ຄະນະໜ່ວຍພັກ, ສະມາຊິກພັກໄດ້ຜ່ານບົດສຳຫຼວດຂອງບຸກຄົນ ແລະ ໄດ້ພ້ອມກັນປະກອບຄໍາຄິດ, ຄໍາເຫັນຕຳໜິສົ່ງຂ່າວ ຢ່າງກົງໄປກົງມາ ເພື່ອແນ່ໃສ່ປັບປຸງກໍ່ສ້າງສະມະຊິກພັກ, ໜ່ວຍພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ. ກອງປະຊຸມຍັງໄດ້ດໍາເນີນການທາບທາມບຸກຄະລາກອນ ຮອບທີ 2 ເພື່ອສະມັກເລືອກຕັ້ງໃນກອງປະຊຸມໃຫຍ່ສະໄໝທີ III ຂອງໜ່ວຍພັກ ຕາມມາດຕະຖານ ແລະ ເງືອນໄຂທີ່ໄດ້ກຳນົດ.
