ວັນທີ 28 ພະຈິກ 2024 ຜ່ານມານີ້, ຄະນະພັກຮາກຖານພະແນກ ເຕັກໂນໂນໂລຊີ ແລະ ການສື່ສານ ແຂວງອຸດົມໄຊ ມອບເຄື່ອງຂະຫຍາຍສຽງສຳລັັບໂທລະໂຄ່ງ ໃຫ້ບ້ານຫຼັກ32 ເມືອງໄຊ ແຂວງອຸດົມໄຊ ເປັນກຽດຕາງໜ້າກ່າວມອບໂດຍ ທ່ານ ນ ປິ່ນຄຳ ອຸ່ນລະຄອນ ເລຂາຄະນະພັກຮາກຖານ ຫົວໜ້າພະແນກ ເຕັກໂນໂລຊີ ແລະ ການສື່ສານ ແຂວງອຸດົມໄຊ, ມີທ່ານ ຄຳສາ ຍົງຕົວວື ນາຍບ້ານ ບ້ານຫຼັກ32 ພ້ອມດ້ວຍຄະນະ ແລະ ຄະນະໜ່ວຍພັກບໍລິສັດ ລາວໂທລະຄົມມະນາຄົມ ສາຂາແຂວງ, ໜ່ວຍພັກບໍລິສັດ ອິທີແອລ ສາຂາແຂວງ ເຂົ້າຮ່ວມ. ເຄື່ອງທີ່ນໍາມາ ມອບໃນຄັ້ງນີ້ມີ ເຄື່ອງຂະຫຍາຍສຽງສຳລັັບໂທລະໂຄ່ງ 1 ໜ່ວຍ ມູນຄ່າ 4.700.000 ກີບ. ເພື່ອເປັນການປະກອບສ່ວນໃນການ ອຳນວຍຄວາມສະດວກໃຫ້ ຄະນະພັກ ອົງການປົກເຜີຍແຜ່ຂໍ້ມູນຂ່າວສານທາງໂທລະໂຄ່ງໃຫ້ພໍ່ ແມ່ ປະຊາຊົນພາຍໃນບ້ານ ໄດ້ຮັບຮູ້ຢ່າງຢ່າງສະດວກ, ວ່ອງໄວ, ທັນເວລາ; ໃນໂອກາດດັ່ງກ່າວ ທ່ານ ຄຳສາ ຍົງຕົວວື ນາຍບ້ານ ບ້ານຫຼັກ32 ໄດ້ກ່າວຮັບ ແລະ ສະແດງ ຄວາມຂອບໃຈຕໍ່ ຄະນະພັກຮາກຖານພະແນກ ເຕັກໂນໂນໂລຊີ ແລະ ການສື່ສານ ແຂວງອຸດົມໄຊ ທີ່ໄດ້ປະກອບສ່ວນວັດຖຸປັດໃຈຕໍ່ພັດທະນາບ້ານ ໃນຄັ້ງນີ້, ພ້ອມທັງໃຫ້ຄໍາໝັ້ນສັນ ຍາວ່າຈະນໍາເອົາເຄື່ອງດັ່ງກ່າວ ໄປນໍາໃຊ້ໃຫ້ຖືກຕ້ອງຕາມເປົ້າໝາຍ ກໍຄືການໂຄສະນາ-ກະຈາຍ ຂໍ້ມູນຂ່າວສານ ໃຫ້ປະຊາຊົນ ພາຍໃນບ້ານ ແລະ ພ້ອມກັນປົກປັກຮັກສາເຄື່ອງດັ່ງກ່າວໃຫ້ນຳໃຊ້ໄດ້ຍາວນານ.
