ໃນລະຫວ່າງວັນທີ 22-27 ພະຈິກ 2024 ຜ່ານມານີ້ພະແນກເຕັກໂນໂລຊີ ແລະ ການສື່ສານໄດ້ລົງຕິດຕາມຊຸກຍູ້ວຽກງານຮອບດ້ານ, ເຜີຍແຜ່ນິຕິກຳ ແລະ ປຶກສາຫາລືກັບການນຳເມືອງໃນການແຕ່ງຕັ້ງຄະນະກຳມະການຄຸ້ມຄອງອິນເຕີເນັດຂັ້ນເມືອງ ຄື:ເມືອງໄຊ, ເມືອງແບງ, ເມືອງຮຸນ ແລະ ເມືອງປາກແບງ ໂດຍການນຳພາຂອງ ທ່ານ ນາງ ປິ່ນຄຳ ອຸ່ນລະຄອນ ຫົວໜ້າພະແນກ ເຕັກໂນໂລຊີ ແລະ ການສື່ສານ, ຮອງປະທານຄະນະກຳມະການຄຸ້ມຄອງອິນເຕີເນັດ ຂັ້ນແຂວງ, ມີບັນດາທ່ານເຈົ້າເມືອງ, ຮອງເຈົ້າເມືອງ, ຫົວໜ້າຫ້ອງວ່າການເມືອງ, ຫົວໜ້າໜ່ວຍງານ ເຕັກໂນໂລຊີ ແລະ ການສື່ສານ ເມືອງ ແລະ ກອງເລຂາຄະນະກຳມະການຄຸ້ມຄອງອິນເຕີເນັດ ຂັ້ນແຂວງ ເຂົ້າຮ່ວມ.
ຈຸດປະສົງ ຂອງການລົງເຄື່ອນໄຫວວຽກຄັ້ງນີ້ກໍເພື່ອສ້າງຄວາມເຂົ້າໃຈກ່ຽວກັບການແຕ່ງຕັ້ງຄະນະກຳມະການຄຸ້ມຄອງອິນເຕີເນັດ ຂັ້ນເມືອງ, ການກຳນົດພາລະບົດບາດການຈັດຕັ້ງ ແລະ ການເຄື່ອນໄຫວຂອງໜ່ວຍງານ ເຕັກໂນໂລຊີ ແລະ ການສື່ສານ ເມືອງ, ການປະກອບບຸກຄະລາກອນ ແລະ ການແບ່ງຂັ້ນຄຸ້ມຄອງລະຫວ່າງແຂວງ - ເມືອງ, ກົນໄກການປະສານງານ, ການເກັບລາຍຮັບວິຊາການ ແລະ ການຄຸ້ມຄອງວຽກງານເຕັກໂນໂລຊີ ແລະ ການສື່ສານ ທີ່ບໍ່ຖືກຕ້ອງຕາມລະບຽບການ.
ຂ່າວໂດຍ: ທອງສະຫວັດ ວິສອນ
