ໃນຕອນເຊົ້າຂອງວັນທີ່ 20 ພະຈິກ 2024 ຢູ່ທີ່ຫ້ອງປະຊຸມຂອງພະແນກ ເຕັກໂນໂລຊີ ແລະ ການສື່ສານແຂວງ ໄດ້ມີກອງປະຊຸມໜ່ວຍພັກພະແນກເຕັກໂນໂລຊີ ແລະ ການສື່ສານແຂວງ ໄຂກອງປະຊຸມ ຜ່ານຮ່າງບົດລາຍງານການເມືອງ ແລະ ທາບທາມບຸກຄະລາກອນ ຮອບທີ 1 ພາຍໃຕ້ການເປັນປະທານຂອງ ທ່ານ ສຸຫັວດ ມະຫາວົງສະນັ່ນ ກຳມະການປະຈຳພັກແຂວງ ຫົວໜ້າຄະນະຈັດຕັ້ງແຂວງ, ທ່ານ ນ.ປິ່ນຄຳ ອຸ່ນລະຄອນ ເລຂາໜ່ວຍພັກຮາກຖານ ຫົວໜ້າພະແນກເຕັກໂນໂລຊີ ແລະ ການສື່ສານ, ມີຄະນະໜ່ວຍພັກຮາກຖານ, ຄະນະຮັບຜິດຊອບຂັ້ນແຂວງ,ມີສະມາຊິກພັກຂອງພະແນກເຂົ້າຮ່ວມຢ່າງພ້ອມພຽງ.
ກອງປະຊຸມ ໄດ້ຜ່ານຮ່າງບົດລາຍງານການເມືອງ,ຮ່າງແຜນພັດທະນາຂອງຂະແໜງການ ໂດຍໄດ້ຍົກໃຫ້ເຫັນດ້ານດີ,ຜົນງານ ດ້ານອ່ອນ ຂໍ້ຄົງຂ້າງ, ບົດຮຽນທີ່ໄດ້ຖອດຖອນໄດ້ ແລະ ແຜນການໃນຕໍ່ໜ້າ ພ້ອມດ່ຽວກັນນັ້ນ ສະມາຊິກພັກຍັງໄດ້ພ້ອມກັນປະກອບຄໍາຄິດ,ຄໍາເຫັນ ໃສ່ຮ່າງບົດລາຍງານການເມືອງຢ່າງກົງໄປກົງມາ ເພື່ອແນ່ໃສ່ແຜນການຄາດໜາຍສູ້ຊົນ 5 ປີໃນຕໍ່ໜ້າ.ຈາກນັ້ນໄດ້ຜ່ານມາດຖານ-ເງືອນໄຂ ຜູ້ຮັບສະໜັກເລືອກຕັ້ງເລືອກຕັ້ງຄະນະພັກຊຸດໃໜ່ ບົນພຶ້ນຖານແມ່ນສະມາຊິກພັກທີ່ມີຄຸນທາດການເມືອງໜັກແໜ້ນ,ມີຄຸນສົມບັດສິນທໍາປະຕິວັດ,ມີວິໄສທັດ ແລະ ສາມາດເປັນພະນັກງານສືບທອດ,ເພື່ອແນ່ໃສ່ໃນການຫ້າງຫາກະກຽມດ້ານບຸກຄະລາກອນໃນກອງປະຊຸມໃຫ່ຍຄັ້ງທີ III ຂອງໜ່ວຍພັກພະແນກເຕັກໂນໂລຊີ ແລະ ການສື່ສານ ໃຫ້ດໍາເນີນໄປຢ່າງຖືກຕ້ອງ ຕາມຂັ້ຕອນຕ່າງໆ ແລະ ວັນເວລາ,ຮັບປະກັນໄດ້ທັງດ້ານເນື້ອໃນ ແລະ ເປົ້າໜາຍທີ່ກໍານົດໄວ້,ໃນພິທີດັ່ງກ່າວໄດ້ດໍາເນີນການບ່ອນບັດຄັດເລືອກເອົາບຸກຄະລາກອນ ຮອບທີ 1 ຂອງໜ່ວຍພັກ ຕາມມາດຖານເງືອນໄຂ ແລະ ລະບຽບຂອງພັກປະຊາຊົນປະຕິວັດລາວ ສະໄໜທີ XI.
ຂຽນໂດຍ: ນາງ ນ້ອຍມະນີ ພູມປັນຍາ.
