ພິທີ ປະກາດໃຫ້ພະນັກງານນໍາພາ - ຄຸ້ມຄອງ ພັກຜ່ອນກ່ອນມື້ຮັບອຸດໜູນບໍານານ ແລະ ປະກາດ ແຕ່ງຕັ້ງຄະນະພະແນກ, ບັນດາຂະແໜງພາຍໃນພະແນກ ເຕັກໂນໂລຊີ ແລະ ການສື່ສານ ແຂວງອຸດົມໄຊ ໄດ້ຈັດຂຶ້ນຢ່າງເປັນທາງການ ໃນຕອນບ່າຍຂອງວັນທີ 30 ກັນຍາ 2024 ທີ່ຫ້ອງປະຊຸມພະແນກ ເຕັກໂນໂລຊີ ແລະ ການສື່ສານ ໂດຍການເຂົ້າຮ່ວມເປັນປະທານຂອງ ທ່ານ ຄຳພຽງ ຢາຈົງວາ ຮອງເລຂາພັກແຂວງ, ມີ ທ່ານ ສົມບູນ ມະນີ ເລຂາຄະນະພັກຮາກຖານ ຫົວໜ້າພະແນກ, ຄະນະພະແນກການ, ແຂກເຊີນຈາກພະແນກການອອ້ມຂ້າງ, ບັນດາບໍລິສັດດ້ານໄປສະນີິ ແລະ ໂທລະຄົມມະນາຄົມ ຕະຫຼອດຮອດພະນັກງານພາຍໃນພະແນກ ເຕັກໂນໂລຊີ ແລະ ການສື່ສານ ເຂົ້າຮ່ວມ.
ພິທີໄດ້ຜ່ານມະຕິຕົກລົງ ຂອງຄະນະປະຈຳພັກແຂວງ ສະບັບເລກທີ 992/ຄປພຄ ລົງວັນທີ 11 ກັນຍາ 2024ອະນຸມັດໃຫ້ ສະຫາຍ ສົມບູນ ມະນີ ເລຂາຄະນະພັກຮາກຖານ ຫົວໜ້າ ພະແນກ ເຕັກໂນໂລຊີ ແລະ ການສື່ສານ ພັກຜ່ອນກ່ອນມື້ຮັບອຸດໜູນບໍານານພັກຜ່ອນກ່ອນມື້ຮັບອຸດໜູນບໍານານ ເລີ່ມແຕ່ວັນທີ 1 ຕູລາ 2024 ເປັນຕົ້ນໄປ ແລະ ຜ່ານມະຕິຕົກລົງ ຂອງຄະນະປະຈຳພັກແຂວງ ສະບັບເລກທີ 1053/ຄປພຄ ລົງວັນທີ 27 ກັນຍາ 2024 ແລະ ສະບັບເລກທີ 1053/ຄປພຄ ລົງວັນທີ 27 ກັນຍາ 2024 ບົງຕົວແຕ່ງຕັ້ງ ສະຫາຍ ນາງ ປິ່ນຄຳ ອຸ່ນລະຄອນ ເປັນເລຂາຄະນະພັກຮາກຖານ, ເລຂາໜ່ວຍພັກ, ຜ່ານຂໍ້ຕົກລົງ ຂອງທ່ານເຈົ້າແຂວງ ສະບັບເລກທີ 1381/ອຊ ລົງວັນທີ 18 ກັນຍາ 2024 ແຕ່ງຕັ້ງ ທ່ານ ນາງ ປິ່່ນຄຳ ອຸ່ນລະຄອນ ເປັນຫົວໜ້າພະແນກ, ຂໍ້ຕົກລົງ ຂອງທ່ານເຈົ້າແຂວງ ສະບັບເລກທີ 1383/ອຊ ລົງວັນທີ 18 ກັນຍາ 2024 ແຕ່ງຕັ້ງ ທ່ານ ອານົງສັກ ສັນຕິສຸກ ເປັນຮອງພະແນກ ແລະ ຂໍ້ຕົກລົງ ຂອງທ່ານເຈົ້າແຂວງ ສະບັບເລກທີ 1409/ອຊ ລົງວັນທີ 20 ກັນຍາ 2024 ແຕ່ງຕັ້ງຫົວໜ້າ, ຮອງຫົວໜ້າຂະແໜງພາຍໃນພະແນກ ເຕັກໂນໂລຊີ ແລະ ການສື່ສານ ຄື: ທ່ານ ຄອນສະຫວັນ ໄຊຍະລາດ ເປັນຫົວໜ້າຂະແໜງໄປສະນີ ແລະ ການສື່ສານ, ທ່ານ ພວງແກ້ວ ບຸບຜາພອນ ເປັນຫົວໜ້າຂະແໜງບໍລິຫານ, ຈັດຕັ້ງ ແລະ ກວດກາ, ທ່ານ ບູນທະວີ ອິນທະນາ ເປັນຮອງຫົວໜ້າຂະແໜງເຕັກໂນໂລຊີ ແລະ ນະວັດຕະກຳ, ທ່ານ ພູຄຳ ມະນີວັນ ເປັນຮອງຫົວໜ້າຂະແໜງດິຈິຕອນ ແລະ ຄວາມປອດໄພໄຊເບິີ ແລະ ທ່ານ ເຊັງລີ ເຊຍເຢ ເປັນຮອງຫົວໜ້າຂະແໜງບໍລິຫານ, ຈັັດຕັ້ງ ແລະ ກວດກາ. ຈາກນັ້ນ, ທ່ານ ສົມບູນ ມະນີ ຫົວໜ້າພະແນກ ເຕັກໂນໂລຊີ ແລະ ການສື່ສານ ຜູ້ເກົ່າ ໄດ້ຜ່ານຮ່າງບົດບັນທຶກ ມອບ - ຮັບໜ້າທີ່ ເຊິ່ງທ່ານໄດ້ຍົກໃຫ້ເຫັນບັນດາວຽກງານທີ່ພົ້ນເດັ່ນ ທີ່ໄດ້ຈັດຕັ້ງປະຕິບັດໃນໄລຍະຜ່ານມາ ແລະ ບັນດາໜ້າວຽກທີ່ຈະສືບຕໍ່ຈັດຕັ້ງປະຕິບັດໃນຕໍ່ໜ້າໃຫ້ບັນລຸຕາມລະດັບຄາດໝາຍ. ພ້ອມທັງເຊັນຮັບຮອງເອົາບົດບັນທຶກມອບ - ຮັບໜ້າທີ່ຢ່າງເປັນທາງການ ລະຫວ່າງ ທ່ານ ສົມບູນ ມະນີ ຫົວໜ້າພະແນກ ເຕັກໂນໂລຊີ ແລະ ການສື່ສານ ຜູ້ເກົ່າ ແລະ ທ່ານ ນາງ ປິ່ນຄຳ ອຸ່ນລະຄອນ ຫົວໜ້າພະແນກ ເຕັກໂນໂລຊີ ແລະ ການສື່ສານ ຜູ້ໃໝ່ ໂດຍມີ ທ່ານ ຄຳພຽງ ຢາຈົງວາ ຮອງເລຂາພັກແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.
ທ່ານ ຄຳພຽງ ຢາຈົງວາ ຮອງເລຂາພັກແຂວງ, ໄດ້ມີຄຳເຫັນຊີ້ນຳໂອ້ລົມ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດທີ່ໄດ້ຈັດຕັ້ງປະຕິບັດວຽກງານໃນໄລຍະຜ່ານມາຂອງຫົວໜ້າຜູ້ເກົ່າ ແລະ ໃຫ້ທິດຊີ້ນໍາ ແລະ ເນັ້ນໜັກໃຫ້ຜູ້ທີ່ໄດ້ຮັບການແຕ່ງຕັ້ງໃໝ່ ໃຫ້ເອົາໃຈໃສ່ຕໍ່ໜ້າທີ່ວຽກງານ ດ້ວຍຄວາມຮັບຜິດຊອບສູງ, ຍົກສູງດ້ານຄຸນທາດການເມືອງ, ຕິດພັນກັບວຽກງານວິຊາສະເພາະ ເປັນຕົ້ນແມ່ນການປັບປຸງແບບແຜນວິທີເຮັດວຽກໃຫ້ດີຂຶ້ນ ແລະ ຜັນຂະຫຍາຍ ບັນດາວຽກງານຈຸດສຸມຂອງລັດຖະບານ, ຂອງແຂວງ ແລະ ຂອງພະແນກ ເຕັກໂນໂລຊີ ແລະ ການສື່ສານ ໃຫ້ກວ້າງຂວາງ, ເອົາໃຈໃສ່ຄົ້ນຄວ້າ ບັນດານິຕິກຳໃຫ້ເຂົ້າໃຈຢ່າງເລິກເຊິ່ງ ຕິດພັນກັບການປະສານງານບໍລິສັດຜູ້ປະກອບການດ້ານໄປສະນີ, ໂທລະຄົມມະນາຄົມ ແລະ ອິນເຕີເນັດ, ບັນດາຂະແໜງການທີ່ກ່ຽວຂ້ອງ ເພື່ອເຮັດໃຫ້ວຽກງານມີຜົນສໍາເລັດຕາມແຜນທີ່ວ່າງໄວ້.
