ໃນຕອນເຊົ້າຂອງ ວັນທີ 19 ກັນຍາ 2024, ທີ່ຫ້ອງພະແນກ ເຕັກໂນໂລຊີ ແລະ ການສື່ສານແຂວງອຸດົມໄຊ. ໄດ້ຈັດກອງປະຊຸມປຶກສາຫາລື ຄົ້ນຄວ້າເນື້ອໃນ ຮ່າງຄຳແນະນຳ ວ່າດ້ວຍ ການຂື້ນທະບຽນເລກໝາຍໂທລະສັບ ຢູ່ແຂວງອຸດົມໄຊ ໂດຍການເປັນປະທານຂອງ ທ່ານ ນ ປິ່ນຄຳ ອຸ່ນລະຄອນ ຮອງຫົວໜ້າພະແນກເຕັກໂນໂລຊີ ແລະ ການສື່ສານ ແຂວງອຸດົມໄຊ, ມີຫົວໜ້າ, ຮອງຫົວໜ້າສາຂາບໍລິສັດດ້ານໂທລະຄົມມະນາຄົມ ແລະ ອິນເຕີເນັດ ພາຍໃນແຂວງ ແລະ ພະນັກງານພະແນກເຕັກໂນໂລຊີ ແລະ ການສື່ສານ ແຂວງ ເຂົ້າຮ່ວມ ຈຳນວນ 15 ທ່ານ, ຍິງ 05ທ່ານ.
ຈຸດປະສົງໃນການຮ່າງຄຳແນະນຳສະບັບດັ່ງກ່າວ ແມ່ນເພື່ອກຳນົດຫຼັກການ, ລະບຽບການ ແລະ ວິທີການຂື້ນທະບຽນເລກໝາໂທລະສັບ ເຮັດໃຫ້ບຸກຄົນ, ນິຕິບຸກຄົນ ແລະ ການຈັດຕັ້ງທີ່ໃຫ້ບໍລິການ ແລະ ໃຊ້ເລກໝາຍໂທລະສັບ ຢູ່ແຂວງອຸດົມໄຊ ໄດ້ຮັບຮູ້, ເຂົ້າໃຈ ແລະ ມີຄວາມເປັນເອກະພາບໃນການຈັດຕັ້ງປະຕິບັດການຂື້ນທະບຽນເລກໝາຍໂທລະສັບ ຢ່າງເລິກເຊິ່ງ; ເຮັດໃຫ້ການຄຸ້ມຄອງ, ຕິດຕາມ, ກວດກາ ການນຳໃຊ້ເລກໝາຍໂທລະສັບເຂົ້າສູ່ລະບົບຖານຂໍ້ມູນໃຫ້ມີຄວາມຖືກຕ້ອງ, ຄົບຖ້ວນ ແລະ ຊັດເຈນ ຮັບປະກັນໃຫ້ແກ່ການນຳໃຊ້ເລກໝາຍໂທລະສັບ ມີຄວາມເປັນລະບຽບຮຽບຮ້ອຍ ແລະ ມີຄວາມປອດໄພໃນສັງຄົມ; ແນ່ໃສ່ເປັນຂໍ້ມູນພື້ນຖານ ເພື່ອຮັບຮອງການນຳໃຊ້ ແລະ ພັດທະນາເຕັກໂນໂລຊີດີຈີຕອນ, ຮັບປະກັນໃຫ້ແກ່ການພັດທະນາລັດຖະບານດິິຈິຕອນ, ເສດຖະກິດດິຈິຕອນ ແລະ ສັງຄົມດິຈິຕອນ, ວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ປະກອບສ່ວນສ້າງສາພັດທະນາເສດຖະກິດ-ສັງຄົມ ຂອງແຂວງອຸດົມໄຊ.
ໃນໂອກາດດັ່ງກ່າວ, ທ່ານ ນ ປິ່ນຄຳ ອຸ່ນລະຄອນ ຮອງຫົວໜ້າພະແນກເຕັກໂນໂລຊີ ແລະ ການສື່ສານ ແຂວງອຸດົມໄຊ ປະທານກອງ ໄດ້ມີຄຳເຫັນກ່າວວ່າ: ເພື່ອປະຕິບັດຕາມ ພາລະບົດບາດ, ສິດ ແລະ ໜ້າທີ່ ຂອງພະແນກເຕັກໂນໂລຊີ ແລະ ການສື່ສານ ແຂວງ ເປັນເສນາທິການໃຫ້ແກ່ ເຈົ້້າແຂວງ ແລະ ລັດຖະມົນຕີ ກະຊວງ ເຕັກໂນໂລຊີ ແລະ ການສື່ສານ ໃນການຄຸ້ມຄອງ ວຽກງານໄປສະນີ, ໂທລະຄົມມະນາຄົມ ແລະ ການສື່ສານ, ວຽກງານດີຈີຕ໋ອນ ແລະ ຄວາມປອດໄພໄຊເບີ, ວຽກງານເຕັກໂນໂລຊີ ແລະ ນະວັດຕະກໍາ ທົ່ວແຂວງອຸດົມໄຊ. ດັ່ງນັ້ນ, ເພື່ອຜັນຂະຫຍາຍ ແລະ ຈັດຕັ້ງປະຕິບັດວິໄສທັດ, ຍຸດທະສາດ, ແຜນພັດທະນາເສດຖະກິດດີຈີຕອນ ແລະ ແຜນພັດທະນາເສດຖະກິດ-ສັງຄົມຂອງແຂວງ ກໍຄືແຜນພັດທະນາວຽກງານເຕັກໂນໂລຊີ ແລະ ການສື່ສານ ຢູ່ພາຍໃນແຂວງ ໃຫ້ຫັນເຂົ້າສູ່ລວງເລິກ, ເປັນຮູບປະທຳ, ເປັນເຄື່ອງມືຂັບເຄື່ອນ ແລະ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງແຂວງ.
ສະນັ້ນ ພະແນກ ເຕັກໂນໂລຊີ ແລະ ການສື່ສານ ຈື່ງໄດ້ຄົ້ນຄວ້າສ້າງນິຕິກຳໃຕ້ກົດໝາຍຂັ້ນແຂວງເພື່ອຄຸ້ມຄອງ, ຊູກຍູ້ສົ່ງເສີມວຽກງານຂົງເຂດເຕັກໂນໂລຊີ ແລະ ການສື່ສານ ຢູ່ຂັ້ນທ້ອງຖິ່ນ ຕາມແຜນການສ້າງນິຕິກຳໃຕ້ກົດໝາຍຂອງແຂວງ 05ປີ (2021 - 2025) ສະເພາະຂົງເຂດວຽກງານເຕັກໂນໂລຊີ ແລະ ການສື່ສານ ແມ່ນມີແຜນສ້າງທັງໝົດ 05 ສະບັບ, ສ້າງສຳເລັດແລ້ວ 04ສະບັບ ແລະ ກຳລັງສ້າງ 01ສະບັບ ຄື: ຮ່າງຄຳແນະນຳ ວ່າດວ້ຍ ການຂື້ນບຽນເລກໝາຍໂທລະສັບ ຢູ່ແຂວງອຸດົມໄຊ ສະບັບນີ້.
ພາຍຫຼັງທີ່ໄດ້ຮັບຟັງເນື້ອໃນຂອງຮ່າງຄຳແນະນຳ ວ່າດ້ວຍ ການຂື້ນທະບຽນເລກໝາຍໂທລະສັບ ຢູ່ແຂວງອຸດົມໄຊແລ້ວ ທ່ານປະທານກອງປະຊຸມ ແລະ ຜູ້ເຂົ້າຮ່ວມກໍໄດ້ພ້ອມກັນປະກອບຄໍາຄິດຄໍາເຫັນຢ່າງຕັ້ງໜ້າ ເພື່ອເປັນພື້ນຖານໃຫ້ແກ່ຄະນະຮັບຜິດຊອບຄົ້ນຄວ້າເນື້ອໃນ ນໍາໄປສືບຕໍ່ປັບປຸງເນື້ອໃນຮ່າງດຳລັດໃຫ້ມີຄວາມສົມບູນຂຶ້ນຕື່ມ.
ຂ່າວໂດຍ: ອານົງສັກ ສັນຕິສຸກ
------------------------------------
ຕິດຕາມ ຂ່າວສານເຕັກໂນໂລຊີ ແລະ ການສື່ສານ ແຂວງອຸດົມໄຊ
Website: https://dtc-odx.gov.la
WhatsApp: https://www.whatsapp.com/channel/0029VaA5Eng3AzNMDtmE2n3N
Telegram: https://t.me/dtcodx
