ໃນວັນທີ 6 ມິຖຸນາ 2024 ນີ້, ຄະນະພັກຮາກຖານພະແນກ ເຕັກໂນໂລຊີ ແລະ ການສື່ສານ ແຂວງອຸດົມໄຊ ຈັດພິທີມອບ-ຮັບ ໃບຢັ້ງຢືນໃຫ້ 03ໜ່ວຍພັກທີ່ຂຶ້ນກັບຄະນະພັກຮາກຖານພະແນກ ເຕັກໂນໂລຊີ ແລະ ການສື່ສານ ແຂວງອຸດົມໄຊ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2023, ພ້ອມທັງ ເປີດຂະບວນການແຂ່ງຂັນ ປະຈຳປີ 2024 ໃຫ້ກຽດມອບໃບຢັ້ງຢືນໂດຍສະຫາຍ ສົມບູນ ມະນີ ເລຂາຄະນະພັກຮາກຖານພະແນກ ຕສ, ຫົວໜ້າພະແນກ ຕສ ແຂວງອຸດົມໄຊ ໂດຍມີບັນດາສະມາຊິກພັກ ຈາກບັນດາໜ່ວຍພັກ ທີ່ຂື້ນກັບຄະນະພັກຮາກຖານພະແນກ ເຕັກໂນໂລຊີ ແລະ ການສື່ສານ ແຂວງອຸດົມໄຊ ເຂົ້າຮ່ວມຢ່າງພ້ອມພຽງ.
ສະຫາຍ ນາງ ປິ່ນຄຳ ອຸ່ນລະຄອນ ຮອງເລຂາຄະນະພັກຮາກຖານພະແນກ ຕສ, ຜ່ານບົດລາຍງານສະແດງໃຫ້ຮູ້ວ່າ: ຄະນະພັກຮາກຖານພະແນກເຕັກໂນໂລຊີ ແລະ ການສື່ສານ ແຂວງອຸດົມໄຊ ເປັນຄະນະພັກຮາກຖານໜື່ງຂື້ນກັບຄະນະບໍລິຫານງານພັກແຂວງ, ປະກອບມີ 3 ໜ່ວຍພັກຂື້ນກັບ ຄື: ໜ່ວຍພັກພະແນກ ເຕັກໂນໂລຊີ ແລະ ການສື່ສານ, ໜ່ວຍພັກບໍລິສັດລາວໂທລະຄົມມະນາຄົມ ມະຫາຊົນ ສາຂາແຂວງ ແລະ ໜ່ວຍພັກ ບໍລິສັດ ອິທີແອວ ຈຳກັດ ສາຂາແຂວງ. ພາຍໃນຄະນະພັກຮາກຖານປະກອບມີ 5 ສະຫາຍ, ຍິງ 1 ສະຫາຍ ແລະ ມີສະມະຊິກພັກທັງໝົດ 59 ສະຫາຍ, ຍິງ 20 ສະຫາຍ. ໃນປີ 2023 ຜ່ານມາ, ຄະນະພັກຮາກຖານພະແນກ ຕສ ໄດ້ເປີດຂະບວນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຜ່ານການປະເມີນຜົນ ແລະ ການຕົກລົງເຫັນດີຂອງຄະນະປະເມີນຜົນ ແລະ ຄະນະພັກຮາກຖານ ສະເໜີຄະນະບໍລິຫານງານພັກແຂວງ ຮັບຮອງເອົາ 03ໜ່ວຍພັກ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2023, ຕາມມະຕິຂອງຄະນະປະຈຳພັກແຂວງ ເລກທີ 242/ຄປພຂ, ລົງວັນທີ 13 ມີນາ 2024
ໂອກາດນີ້, ສະຫາຍ ສົມບູນ ມະນີ ເລຂາຄະນະພັກຮາກຖານພະແນກ ຕສ ໄດ້ສະແດງຄວາມຊົມເຊີຍ ຕໍ່ບັນດາໜ່ວຍພັກອ້ອມຂ້າງຄະນະພັກຮາກຖານພະແນກ ຕສ ແຂວງ ທີ່ສາມາດຍາດໄດ້ນາມມະຍົດໜ່ວຍພັກປອດໃສ, ເຂັ້ມ ແຂງ, ໜັກແໜ້ນ ປະຈຳປີ 2024, ພ້ອມທັງ ສະແດງຄວາມຊົມເຊີຍ ແລະ ຕີລາຄາສູງຕໍ່ຄວາມເອົາໃຈໃສ່ ຂອງບັນດາສະຫາຍຄະນະໜ່ວຍພັກ ແລະ ສະມາຊິກພັກ-ພະນັກ ງານໃນບັນດາໜ່ວຍພັກ ທີ່ຂຶ້ນກັບອົງຄະນະພັກຮາກຖສນພະແນກ ຕສ ທີ່ໄດ້ເອົາໃຈໃສ່ໃນການປະ ຕິບັດໜ້າທີ່ ແລະ ແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນດ້ວຍຜົນ ສຳເລັດ, ພ້ອມທັງເນັ້ນໃຫ້ ບັນດາໜ່ວຍພັກທີ່ຂື້ກັບຄະນະພັກຮາກຖານພະແນກ ຕສ ແຂວງ ສືບຕໍ່ເອົາໃຈໃສ່ ປັບປຸງ, ສ້າງໜ່ວຍພັກ ຂອງຕົນໃຫ້ໜັກແໜ້ນ, ເຂັ້ມແຂງຂຶ້ນກວ່າເກົ່າ ເພື່ອຍາດໄດ້ຜົນສຳເລັດ ອັນໃຫຍ່ຫລວງຂຶ້ນໄປເລື້ອຍໆໃນທຸກໆປີ.
ໃນໂອກາດດຽວກັນ, ສະຫາຍ ວົງແກ້ວ ກິ່ງສັກດາ ເລຂາໜ່ວຍພັກບໍລິສັດ ລາວໂທລະຄົມມະນາຄົມ ມະຫາຊົນ ສາຂາແຂວງອຸດົມໄຊ ຕາງໜ້າບັນດາໜ່ວຍພັກທີ່ຂື້ນກັບຄະນະພັກຮາກຖານພະແນກ ຕສ ແຂວງ ກໍໄດ້ຂຶ້ນຮັບຄຳໂອວາດ, ຮັບຄຳຊີ້ນຳໃນການຈັດຕັ້ງປະຕິບັດຂະບວນການແຂ່ງຂັນ ກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2024 ແລະ ພ້ອມທັງໃຫ້ຄຳໝັ້ນສັນຍາວ່າ ຈະພ້ອມກັນສູ້ຊົນ, ສືບຕໍ່ກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃຫ້ດີ ແລະ ຫລາຍກວ່າເກົ່າ ທັງດ້ານປະລິມານ ແລະ ຄຸນນະພາບໃນຕໍ່ໜ້າ.
ຂ່າວໂດຍ: ອານົງສັກ ສັນຕິສຸກ
------------------------------------
ຕິດຕາມ ຂ່າວສານເຕັກໂນໂລຊີ ແລະ ການສື່ສານ ແຂວງອຸດົມໄຊ
Website: https://dtc-odx.gov.la
WhatsApp: https://www.whatsapp.com/channel/0029VaA5Eng3AzNMDtmE2n3N
Telegram: https://t.me/dtcodx
