ໃນວັນທີ 8 ສິງຫາ 2024 ກຳມະບານຮາກຖານພະແນກ ເຕັກໂນໂລຊີ ແລະ ການສື່ສານ ກຳມະບານຮາກຖານພະແນກ ຕສ ສະຫຼຸບວຽກງານກຳມະບານ 06 ເດືອນຕົ້ນປີ 2024 ແລະ ສຳມະນາ ຄວາມຮູ້ພື້ນຖານການຫັນເປັນດິຈິຕອນ. ໂດຍໃຫ້ກຽດເຂົ້າຮ່ວມຂອງ ສະຫາຍ ສີໄວ ອິນທະວົງ ຄະນະບໍລິຫານງານສະຫະພັນກຳມະບານແຂວງ, ມີສະຫາຍ ອານົງສັກ ສັນຕິສຸກ ປະທານກຳມະບານຮາກຖານ ແລະ ສະຫາຍສະມະຊິກກຳມະບານຮາກຖານພະແນກ ຕສ ແຂວງ ເຂົ້າຮ່ວມຢ່າງພ້ອມພຽງ. ໃນການປະຊຸມ ແລະ ສຳມະນາໃນຄັ້ງນີ້ ຈຸດປະສົງແມ່ນສະຫຼຸບຕີການຈັດຕັ້ງປະຕິບັດວຽກງານກຳມະບານ 06 ເດືອນຕົ້ນປີ 2024 ແລະ ວາງທິດທາງແຜນການໃນ 06 ເດືອນທ້າຍປີ 2024. ໂດຍສະເພາະກໍແມ່ນການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ຂອງກຳມະບານ ໃຫ້ບັນລຸຕາມແຜນການທີ່ວາງໄວ້; ພ້ອມນັ້ນ ສົມທົບກັບໜ່ວຍຊາວໜຸ່ມພະແນກ ຕສ ໃນການຈັດສຳມະນາ ກໍເພື່ອສ້າງຄວາມເຂັ້ມແຂງໃຫ້ກັບສະມາຊິກກຳມະບານ ໃນການຈັດຕັ້ັງຜັນຂະຫຍາຍວິໄສທັດ, ຍຸດທະສາດ ແລະ ແຜນພັດທະນາເສດຖະກິດດິຈິຕອນ ແຫ່ງຊາດ, ຈັດຕັ້ງປະຕິບັດຜັນຫຍາຍແຜນພັດທະນາວຽກງານເຕັກໂນໂລຊີ ແລະ ການສື່ສານ ແຂວງອຸດົມໄຊ ໂດຍສະເພາະກໍແມ່ນແຜນພັດທະນາວຽກງານຂອງຄະນະຮັບຜິດຊອບການຈັດຕັ້ງປະຕິບັດການຫັນເປັນດິຈິຕອນ ຂອງແຂວງອຸດົມໄຊ ປີ 2024 - 2025 ໃຫ້ປະກົດຜົນສຳເລັດຕາມແຜນການທີ່ວາງໄວ້. ການສຳມະນາໃນຄັ້ງນີ້ ພາຍໃຕ້ຫົວຂໍ້ "ຄວາມຮູ້ພື້ນຖານການຫັນເປັນດິຕິຕອນ". ຊຶ່ງປະກອບມີ 04 ຫົວຂໍ້ ຄື: 01. ຄວາມຮູ້ພື້ນຖານການຫັນເປັນລັດຖະບານດິຈິຕອນ ແລະ 02. ອິນເຕີເນັດ ແລະ ສື່ສັງຄົມອອນລາຍ ສະເໜີໂດຍ ສະຫາຍ ອານົງສັກ ສັນຕິສຸກ ປະທານຮາກຖານກຳມະບານ. 03. ການຫັນເປັນເສດຖະກິດດິິຈິຕອນ ແລະ 04. ຄວາມຄວາມເຂົ້າກ່ຽວກັບເຕັກໂນໂລຊີດິິຈິຕອນ ແລະ ແພລັດຟອມ ສະເໜີໂດຍ ພຸຄຳ ມະນີວັນ ຮອງເລຂາໜ່ວຍຊາວໜູ່ມ. ຜ່ານການຝຶກອົບຮົມໃນຄັ້ງນີ້ເຫັນວ່າບັນດາສະຫາຍສະມາຊິກກຳມະບານ ແມ່ນໄດ້ເອົາໃຈໃສ່ ແລະ ຕິດຕາມເກັບກ່ຽວເອົາຄວາມຮູ້ຢ່າງໃກ້ຊິດ ແລະ ພ້ອມກັນແລກປ່ຽນຄໍາຄິດຄໍາເຫັນແລກປ່ຽນໃນການຈັດຕັ້ງປະຕິບັດວຽກງານຢ່າງກົງໄປກົງມາ ເພື່ອເຮັດໃຫ້ວຽກງານດັ່ງກ່າວມີການພັດທະນາຂື້ນເລື້ອຍໆ.
ໃນການປະຊຸມສະຫຼຸບວຽກງານ ແລະ ສຳມະນາດັ່ງກ່າວດໍາເນີນເປັນເວລາ 1 ວັນ ແລະ ສຳເລັດລົງໃນເວລາ 16:30 ຂອງວັນດຽວກັນດ້ວຍບັນຍາກາດຝົດຟືນ ແລະ ສໍາເລັດຕາມລະດັບຄາດໝາຍ.
ຂ່າວໂດຍ: ອານົງສັກ ສັນຕິສຸກ
