ໃນຂະນະທີ່ຄົນເຮົາໃຫ້ຄວາມສຳຄັນເລື່ອງຂອງຄວາມປອດໄພໃນຊີວິດ ແລະ ຊັບສິນໃນຊີວິດປະຈຳວັນໃນໂລກອອັບໄລນ໌ ແນ່ນອນວ່າ ຍຸກທີ່ເຕັກໂນໂລຊີເຂົ້າມາມີບົດບາດໃນຊີວິດປະຈຳວັນ ຄວາມສຳຄັນຂອງຄວາມປອດໄພເທິງໂລກອອນໄລນ໌ໄດ້ເພີ່ມຫຼາຍຂຶ້ນ ແລະ ສາມາດມີຜົນກະທົບກັບຊີວິດ ແລະ ຊັບສິນໄດ້ເຊັ່ນກັນ ເລື່ອງຂອງຄວາມປອດໄພຈຶ່ງບໍ່ແມ່ນແຕ່ສິ່ງທີ່ຄົນເຮົາຄວນໃຫ້ຄວາມສົນໃຈເທົ່ານັ້ນ ແຕ່ເປັນສິ່ງທີ່ຕ້ອງຮູ້ ແລະ ເນັ້ນໜັກຢູ່ສະເໝີ ເພາະເມື່ອເບິ່ງຈາກສະຖິຕິຜູ້ໃຊ້ອິນເຕີເນັດ ຈຳນວນ 62.5% ຂອງປະຊາກອນໂລກ ໃຊ້ເວລາທ່ອງໂລກອອນໄລນ໌ໂດຍສະເລ່ຍ ເກືອບ 7 ຊົ່ວໂມງຕໍ່ມື້ ເຮັດໃຫ້ເຫັນພຶດຕິກຳຂອງຄົົນທີ່ປ່ຽນຈາກອອັບໄລນ໌ໄປສູ່ອອນໄລນຢາ່ງຊັດເຈນ ແລະນັ້ນໝາຍຄວາມວ່າ ການປົກປ້ອງໄພດິຈິຕອ໋ນ ຈຶ່ງເປັນເລື່ອງໃກ້ຕົວຫຼາຍກວ່າທີ່ຄິດ ເຄັດລັບ ແລະ ເຕັກນິກພິເສດເຫຼົ່ານີ້ ຈຶ່ງໄດ້ຖືກລວບລວມຂຶ້ນ ເພື່ອສ້າງຄວາມຮູ້ ແລະ ສະໜັບສະໜູນໃຫ້ທຸກຄົນມີສ່ວນຮ່ວມດ້ານການສ້າງຄວາມປອດໄພໃນໂລກອອນໄລນ໌.
TikTok ຄື ແພລັດຟອມວິດີໂອສັ້ນ ລະດັບໂລກ ເປົ້າໝາຍຫຼັກຂອງ TikTok ຄືການເປີດຄວາມຄິດສ້າງສັນ ແລະ ມອບຄວາມສຸກໃຫ້ກັບຜູ້ຄົນ. TikTok ມີສຳນັກງານຢູ່ຫຼາຍເຂດ ເຊັ່ນ: ລອດແອນເຈລິດ, ນິວຢອກ, ລອນດອນ ປາຣີ, ເບີລິນ, ດູໄບ, ສິງກະໂປ, ຈັກກາຕາ, ໂຊລ ແລະ ໂຕກຽວ. ສຳລັບຂໍ້ມູນເພິ່ມເຕິມ ສາມາດເບິ່ງໄດ້ທີ່ www.tiktok.com
ສຳລັບເຄັດລັບຄວາມປອດໄພ ໃນການໃຊ້ TikTok ໃນບົດຄວາມນີ້ ໄດ້ສັງລວມ ດັ່ງນີ້:
1. ປ້ອງກັນຄວາມເປັນສ່ວນຕົວໃຫ້ປອດໄພ [Safety & Privacy Controls]
ເຮົາສາມາດປ້ອງກັນຂໍ້ມູນສ່ວນບຸກຄົນໄດ້ດ້ວຍຟີເຈີການຖືຮັກສາຄວາມປອດໄພ ເລີ່ມຕົ້ນຕັ້ງແຕ່ລະຫັດຜ່ານທີ່ຫັດກຸມ ໄປຈົນເຖິງການເປີດໃຊ້ງານການຢືນຢັນແບບສອງຂັ້ນຕອນ ເພື່ອຍົກລະດັບການຖືຮັກສາຄວາມປອດໄພ ສຳລັບໃຜທີ່ມັກຄວາມເປັນໄພຣເວດ (Private) ການຕັ້ງຄ່າເປັນບັນຊີສ່ວນຕົວ ເຮັດໃຫ້ມີພຽງຜູ້ຕິດຕາມທີ່ໄດ້ຮັບການອານຸມັດເທົ່ານັ້ນທີ່ສາມາດເຫັນເນື້ອຫາໃນ Account ຂອງເຮົາໄດ້ (ສຳລັບບັນຊີຂອງຜູ້ໃຊ້ງານທີ່ອາຍຸນ້ອຍກວ່າ 16 ປີ ເທິງ TikTok ຖືກຕັ້ງຄ່າເລີ່ມຕົ້ນເປັນບັນຊີສ່ວນຕົວສະເໝີ) ນອກຈາກນີ້ ຍັງສາມາດກຳນົດການມີສ່ວນຮ່ວມຂອງຜູ້ອື່ນ ໃນຊ່ອງທາງຕ່າງໆ ບໍ່ວ່າຈະເປັນການໂພສຕ໌ ຫຼື Direct message ກໍສາມາດຕັ້ງຄ່າໂພສຕ໌ເປັນສະເພາະຕົນເອງ ແລະ ປິດການຄອມເມັນໄດ້ເຊັ່ນກັນ ແລະ ສິ່ງສຳຄັນຄືລະວັງການຖືກຟິດຊິ່ງ ຫຼື ວິທີທີ່ໃຊ້ໃນການຫຼອກລໍ້ໃຫ້ຜູ້ອື່ນເປີດເຜຍຂໍ້ມູນສ່ວນຕົວ ດັ່ງນັ້ນ ຄວນຫຼີກລ້ຽງການເປີດດາວນ໌ໂຫຼດ ຫຼື ຄລິກລິງກ໌ ແລະ ໄຟລ໌ແນບຈາກຜູ້ສົ່ງທີ່ບໍ່ຮູ້ຈັກ ລວມທັງຍັງສາມາດລາຍງານບັນຫາໄປທີ່ TikTok ໄດ້ທັນທີ.
2. ປົກປ້ອງເດັກຈາກໄພທາງໄຊເບີ [Minor Safety]
ຄູ່ມືຜູ້ປົກຄອງ ແລະ ຟີເຈີ Family Pairing ໃນໂໝດຄຳແນະນຳໂດຍຜູ້ປົກຄອງ ເທິງ TikTok ໄດ້ຖືກພັດທະນາຂຶ້ນເພື່ອເຊື່ອມໂຍງ Account ພໍ່ແມ່ ແລະ ເດັກ ເຂົ້ານຳກັນ ເຮັດໃຫ້ຜູ້ປົກຄອງສາມາດມີສ່ວນຮ່ວມໃນການຕັ້ງຄ່າການໃຊ້ງານຂອງເດັກໄດ້ຢ່າງປອດໄພ ຫຼູດຄວາມກັງວົນໃນການໃຊ້ງານຂອງລູກຫຼານໃນປະເດັນສຳຄັນ ດັ່ງນີ້:
- ຈຳກັດ ແລະ ກຳນົດເວລາໃນການໃຊ້ງານ (Screen Time Management) ໂດຍຕັ້ງຄ່າຂີດຈຳກັດຂອງເວລາໜ້າຈໍ ໄດ້ຕັ້ງແຕ່ 40, 60, 90 ແລະ ສູງສຸດ 120 ນາທີ.
- ເປີດໂໝດຈຳກັດເພື່ອຄັດກອງເນື້ອຫາ (Restricted Mode) ໃຫ້ເດັກ ເຫັນສະເພາະຊີ້ນຫາທີ່ເໝາະສົມກັບໄວ.
- ການເລືອກຕັ້ງຄ່າບັນຊີເປັນສ່ວນຕັວ (Privacy and safety) ການຄວບຄຸມວ່າຈະໃຫ້ຜູ້ອື່ນເຫັນວິດີໂອທີ່ມັກຫຼືບໍ່, ຄວບຄຸມວ່າໃຜສາມາດສະແດງຄວາມຄິດເຫັນໃນວິດີໂອໄດ້.
ແຕ່ຟີເຈີດັ່ງກ່າວນີ້ ຈະຊ່ວຍໃຫ້ຄອບຄົວສາມາດກຳນົດຂອບເຂດໄດ້ໃນລະດັບໜຶ່ງ ແຕ່ສີ່ງສຳຄັນຄວນຢູ່ກັບພື້ນຖານຂອງຄວາມເຂົ້າໃຈ ແລະ ການເຮັດຂໍ້ຕົກລົງຮ່ວມກັນ ແລະ TikTok ເອງ ກໍຍັງສະໜັບສະໜູນໃຫ້ຜູ້ປົກຄອງເຂົ້າມາມີສ່ວນຮ່ວມໃນການສ້າງຄອນເທນຕ໌ໃຫ້ກັບເດັກ ຫຼາຍກວ່າປ່ອຍໄປຕາມລຳພັງອີກດ້ວຍ.
3. ສະໜັບສະໜູນການມີສຸຂະພາບດິຈິຕອ໋ນ [Cyberwellness]
ການທ່ອງໂລກອອນໄລນ໌ທີ່ຂາດຂໍ້ຈຳກັດ ອາດເຮັດໃຫ້ຜູ້ຄົນເພີດເພີນຫຼາຍເກີນໄປ ການສ້າງສົມດຸນການໃຊ້ເຕັກໂນໂລຊີກັບຊີວິດປະຈຳວັນຈຶ່ ງເປັນສິ່ງຈຳເປັນ ແລະ ຄວນໃຫ້ຄວາມສຳຄັນເປັນຢ່າງຍີ່ງ ຟີເຈີການຈັດການໜ້າຈໍ ແລະ ໂໝດການຈຳກັດການໃຊ້ງານ ຈະເປັນສ່ວນທີ່ສະໜັບສະໜູນໃຫ້ຜູ້ໃຊ້ສົມດູນກັບການໃຊ້ເຕັກໂນໂລຊີໄດ້ດີຂຶ້ນ ນອກຈາກນີ້ ການຕັ້ງຄ່າການຄັດກອງຄອມເມັນ ດ້ວຍຟີເຈີທີ່ຊ່ວຍສ້າງຕົວຄັດກອງໄດ້ຢ່າງວ່ອງໄວ ແລະ ງ່າຍດາຍ ທັງການເຊື່ອງຄອມເມັນທີ່ບໍ່ເໝາະສົມທີ່ລະບົບກວດພົບໂດຍອັດຕະໂນມັດ ແລະ ສ້າງການກອງຄຳສຳຄັນເພື່ອໃຫ້ຄອມເມັນທີ່ປະກອບດ້ວຍຄຳເຫຼົ່ານັ້ນຖືກເຊື່ອງໂດຍອັດຕະໂນມັດ ກໍເປັນສ່ວນຫນຶ່ງທີ່ຈະສະໜັບສະໜູນໃຫ້ຜູ້ໃຊ້ ລວມເຖິງຜູ້ສ້າງຮູ້ສຶກປອດໄພແລະ ສະບາຍໃຈໄດ້.
ທຸກຄົນສາມາດຮຽນຮູ້ ແລະ ເຮັດຄວາມເຂົ້າໃຈກ່ຽວກັບເຄັດລັບຄວາມປອດໄພທາງດິຈິຕອ໋ນ, ວິທີໄຈ້ແຍກ ແລະ ຕອບສະໜອງຕໍ່ເນື້ອຫາທີ່ເຂົ້າຄ່າຍການລະເມີດ, ອັນຕະລາຍ, ອາດຊະຍາກອນ ຫຼື ການແສວງຫາປະໂຫຍດທີ່ບໍ່ສົມຄວນຈາກສູນລວມຂໍ້ມູນການໃຊ້ເຕັກໂນໂລຊີດິຈິຕອ໋ນຢ່າງປອດໄພ ແລະສ້ າງສັນ ເທິງ TikTok.
4. ຮູ້ເທົ່າທັນຄວາມປ່ຽນແປງ ແລະ ຮຽນຮູ້ຢູ່ສະເໝີ [Digital Literacy]
ນອກຈາກຄວາມມ່ວນຊື່ນ ຫຼື ຄວາມບັນເທີງໃນການທ່ອງໂລກອອນໄລນ໌ແລ້ວ ການເຮັດຄວາມເຂົ້າໃຈຕໍ່ສິ່ງທີ່ເຮົາເຫັນຜ່ານໜ້າຈໍ ບໍ່ວ່າຈະເປັນໂຄສະນາ, ເນື້ອຫາ ຫຼື ແມ່ນກະທັ່ງການຍອມຮັບໃຫ້ເປີດເຜຍຂໍ້ມູນສ່ວນຕົວຕ່າງໆ ທັງໝົດນີ້ເຮົາສາມາດກົດເຂົ້າໄປເບິ່ງໄດ້ທີ່ ນະໂຍບາຍຄວາມເປັນສ່ວນຕົວ ແລະ ຫຼັກເກນສຳລັບຊຸມຊົນ ຊຶ່ງມີການອັບເດດຢ່າງສມ່ຳສະເໝີ ເພື່ອຮັບມືກັບສະຖານນະການທີ່ມີການປ່ຽນແປງຢ່າງວ່ອງໄວໃນໂລກດິຈິຕອ໋ນ ຊຶ່ງແນ່ນອນວ່າ ຫຼັກການ ຢຸດ, ຄິດ, ຕັດສິນໃຈ ແລະ ລົງມືກະທຳ [Stop, Think, Decide, Act] ນັ້ນຍັງຄົງໃຊ້ໄດ້ໃນທຸກສະຖານນະການ ແລະ ຂໍ້ຄວນລະວັງທີ່ສຳຄັນຄື ກ່ອນຊື້ຂາຍອຸປະກອນຄວນສຳຮອງຂໍ້ມູນສ່ວນຕົວ ເຊັ່ນ: ຮູບພາບ ຫຼື ວິດີໂອ ລຶບເນື້ອຫາ ແລະ ການຕັ້ງຄ່າທັງໝົດເພື່ອໃຫ້ຂໍ້ມູນສ່ວນບຸກຄົນນັ້ນຍັງຄົງຄວາມເປັນສ່ວນຕົວ ແລະ ບໍ່ຖືກເປີດເຜຍຕໍ່ສາທາລະນະ.
ການໃຫ້ຄວາມສຳຄັນດ້ານຄວາມປອດໄພຂອງຜູ້ໃຊ້ ເປັນນະໂຍບາຍຫຼັກຂອງ TikTok ທີ່ມີຜູ້ໃຊ້ກວ່າພັນລ້ານຄົນທັ່ວໂລກ ຊັບພະຍາກອນດ້ານສຸຂະພາບດິຈິຕອ໋ນໄດ້ຖືກພັດທະນາເພື່ອໃຫ້ແນ່ໃຈວ່າ TikTok ມີເຄື່ອງມືສຳລັບຜູ້ໃຊ້ໃນການຮັບມືກັບພຸມສັນຖານດິຈິຕອ໋ນທີ່ປ່ຽນແປງຕະຫຼອດເວລາ ເພື່ອຮ່ວມສ້າງ Digital Wellbeing ໃຫ້ເກີດຂຶ້ນແກ່ຜູ້ໃຊ້ ແລະ ຊຸມຊົນ ໃຫ້ TikTok ເປັນພື້ນທີ່ທີ່ໄດ້ຊື່ວ່າເປັນ Digital Safezone ໄດ້ຢ່າງແທ້ຈິງ ກະຕຸ້ນ ແລະ ສ້າງຄວາມຮັບຜິດຊອບຕໍ່ສັງຄົມໃນການສ້າງຊຸມຊົນເຊີງບວກ ແລະ ສຸຂະພາບດິຈິຕອ໋ນໃຫ້ແກ່ຜູ້ໃຊ້ອິນເຕີເນັດ ເພື່ອສ້າງໂລກອອນໄລນ໌ເປັນພື້ນທີ່ປອດໄພສຳລັບທຸກຄົນ.
